Myanma ordusu dövlət çevrilişi edib

SAVASH.ORGsavash.org


  Myanma ordusu dövlət çevrilişi edərək ölkənin de fakto lideri Aunq San Suu Kyi və hakim partiyadan digər aparıcı məmurları saxlayıb. Orduya məxsus televiziya fevralın 1-də ölkədə “sabitliy”in qorunmasından ötrü bir aylıq fövqəladə vəziyyət elan edib. Keçmiş general, vitse-prezident olmuş Myint Sve prezidentin vəzifəsini icra etməyə başlayıb. Birləşmiş Ştatlar, Avstraliya və bir sıra digər ölkələr dövlət çevrilişindən, hökumətin mülki liderlərinin saxlanmasından narahatlıq bildiriblər. Son həftələr hökumətlə ordu liderləri arasında gərginlik artmışdı. Ordu noyabr seçkisinin saxtalaşdırıldığını deyirdi. Suu Kyi 2015-ci ildə hakimiyyətə gələndən sonra ordu siyasi və iqtisadi nüfuzunu saxlayıb. Nobel Sülh mükafatı laureatı olan Kyinin beynəlxalq mövqeyi isə hakimiyyətə gələndən sonra xeyli sarsıldı. Buna 2017-ci ildə qərbi Raxin vilayətindən yüzminlərlə Rohinca müsəlmanın didərgin düşməsi, minlərlə insanın ordu tərəfində qətlə yetirilməsi səbəb oldu.  
24saat.org
Mənbə – azadliq.org